Gidasig sa Parish Pastoral Council for REsponsible Voters ang mga botante nga i-shade ug tarong ang circle o lingin sa balota sa pagboto karong umaabot nga Lunes , Mayo 12.
Sigon sa pahayag ni Atty. Aileen Lizada, tigpamaba sa PPCRV nga ilang na-obserbahan atol sa final testing and sealing adlawng Martes (Mayo 6) nga ang boto nahimong kawang human wala basaha sa automated counting machines (ACMs) ang boto.
Ang rason nga gihatag ni Lizada mao ang dili sakto nga pagmarka sa lingin. Suma ni Lizada, aron sigurado nga maihap ang boto, dapat i-shade ang lingin ug likayan ang pagmarka ug x, tuldok, star, circle o kaha linya.
Karong Miyerkules, Mayo 7 , ipadayon sa Comelec ug PPCRV ang final testing and sealing sa mga polling centers nga wala makahimo sa unang adlaw nga schedule tungod sa mga kakulian sama sa wala paggana sa mga ACMs.
Facebook Conversations