Sa pakighinabi sa mga sakop sa media Biyernes sa gabii, gibutayg ni Jubahib nga subay sa briefing kaniya sa kapulisan sa Davao del Norte, organisadong grupo nga naglihok tibuok Pilipinas ang grupong iyang ginganlan nga “Martilyo Gang” nga responsable sa lungkab sa pawnshop ug ATM Machine diin nakuha ang gituhuang P14 million.
Ang grupo sab mao ang gituhuang naglungkab sa BDO ATM ug Pay and Go loading machines nga anaa sulod sa Choice mart sa Puan, Davao City niadtong Agosto 30, 2023.
Buot ni Jubahib nga makig-meeting kang PNP Chief Benjamin Acorda aron madakpan kini nga grupo sa mga tulisan kansang istilo daw “hit and run” nga mosulod sa mga highly urbanized cities ug component cities ug mugawas ra sab dayon human sa ilang operasyon.
Buot ni Jubahib nga tutukan sa nasodnong kapulisan ang maong national organized crime group nga gituhuang taga-Kauluhang Maynila aron madakpan ang binuhatan ani nga grupo.
September 16, 2023 DavNor Gov. Edwin Jubahib
Facebook Conversations