Huwebes sa gabii, Hunyo 4 Nagpagawas ug pahayag si Davao City Mayor Sebastian Duterte nga apektado kaayo ang 'garbage collection operations' sa Davao City human gisuspenso sa DENR ang paglabay ug basura sa sanitary landfill sa syudad sa Barangay Carmen, Tugbok.
Kahinumdumang duha ka Semana na ang nilabay, nidahili ang bagang basura sa landfill tungod sa sagunsong mga pag-ulan hinungdan sa kamatayon sa duha ka mga Lola hinungdan sa suspension nga gipakanaug sa DENR.
Gikuwestyon ni Duterte nganong hangtod karon pabiling gibawal ang paglabay sa basura sa sanitary landfill bisan pa man ug gipapahawa na ang mga nagpuyo ug duna na usay mga 'corrective measures' gibuhat ang syudad aron malikayang mautro ang insidente.
Nagtuo ang alkalde nga kung magpadayon kini, mabutang sa risgo ang panglawas sa katawhan ug problema sa sanitasyon.
Tungod niini, suma sa Mayor, nagmontar ug dugang collection points ang Davao City LGU, lakip dinhi ang atubangan sa DENR 11 office aron matod pa personal nilang mahataga'g importansya ang gidaghanon sa basura sa syudad.
Aron ipakita ang epekto sa pagsira sa landfill, nagbutang ang syudad og dugang collection points lakip dinhi ang atubangan mismo sa DENR-11.
Ang Davao City mokolekta ug average 750 tons nga basura matag adlaw gikan sa duha ka milyong Dabawenyo.
Nasayran nga human nagpagawas ug pahayag ang Mayor, nakig-set matod pa ug meeting ang DENR-11 sa lokal nga kagamhanan sa syudad.
📷 IFM Davao
Facebook Conversations