Gidakop si Alyas Andoy, Biyernes sa hapon, Hulyo 5 nga naaktuhang namaligya ug gadeliver ug mga peke ug vaporin refreshing oil products atol sa buy-bust operation.
Sumala pa ni NBI-11 agent Vicente Essex Minguez atol sa press conference nga Hulyo 1 nakadawat ang ilang ahensya ug reklamo labot sa aktibidad sa suspek busa gilayong gimonitor sa mga ahente sa NBI Onse ang lihok niini.
Nakuha sa possession sa suspek ang more or less 500 ihap sa rubbing oil nga nagkantitdad og P11,000.
Basi sa testimonya sa suspek, kanhi siyq empleyado sa usa ka ilado nga herbal company ug tungod matod pa sa kapait sa kinabuhi, nakahukom kini nga muhawa ug muhimo ug kaugalingong produkto.
Sa pahayag sa International Pharmaceuticals Incorporated, dakong risgo ang mahatag niini ngadto sa mga konsumante sanglit wala kini niagi og saktong pagtoon lakip na proseso.
Nangayo na'g pasaylo ang dinakpan sa mga nakapalit sa iyang produkto.
Kasong kalapasan sa RePublic Act (RA) 8293 o Intellectual Property Code of the Philippines ang atubangon batok sa suspetsado.
Facebook Conversations