Di moubos 50 katao nga pugsanong nisulod sa opisina sa Agdao Coop, lagmit kasuhan

Ruth Palo

Editor

posted on 1 year ago — updated on 1 second ago

965
views

Giistudyuhan na karon sa management sa Agdao Multipurpose Cooperative (AMPC) ang pagpasaka ug kaso batok sa mga indibidwal nga pwersahang nisulod sa main office niini sa Bo. Obrero, Davao City niadtong niaging Sabado sa gabii, Marso 29.

Atol sa press conference Lunes sa hapon, Marso 31, gibutyag ni Attorney Gibb Andrew Cabahug, legal counsel sa AMPC nga posibleng mag-atubang ug kasong coercion, physical injury, direct assault, damage to property and attempted robbery ang di moubos sa 50 katao.

“Probable cases that will be filed against the identified persons who storm last Saturday would be coercion, physical injury, direct assault, damage to property and attempted robbery,”pahayag ni Cabahug.

Samtang sa bahin ni AMPC general Manager Michael John Gestopa desidido kini nga pasakahan ug kaso ang maong mga indibidwal.

“We will definitely file charges against them because we as an officer of Agdao Multipurpose Cooperative are only safekeepers of the properties of Agdao Coop. The funds and the money and properties of the AMPC belongs to members. We safeguard and we will protect and preserve even if we go to court to press charges against them to defend the agdao multipurpose cooperative,” pahayag ni Gestopa.

Gibutyag niini nga padayong ipatuman sa kooperatiba ang commitment niini nga ipatuman ang " rule of law" ug panalipdan ang assets lakip ilang operations.

“Rest assured that the incumbent officers and management of Agdao Multi-Purpose Cooperative are strictly obeying and abiding by the rule of law and orders of the court,” Suma pa NI Gestopa Atol SA media interview kaniya Lunes SA hapon, Marso 31 SA NBI office SA Bajada, Davao City.

Isip tubag SA corruption allegations, gihagit NI Gestopa ang Mga kritiko nga mupakita ug lig-ong ebedensya.

"Allegations and accusations against us? Please provide any evidence, file the complaints, and show the public the case against us so that we can respond accordingly,” dugang SA opisyal.

Kahinumduman nga naundang lamang ang stand-off nga gihimo sa pipila ka mga terminated employees ug giingong mga miyembro sa kooperatiba sa dihang dunay negosasyong gihimo pinaaginsa tabang ni NBI Director Attorney Archie Albao kinsa personal nga gihangyo sa matag pikas kampo nga mopatunga sa negossasyon.

Suma ni Albao walay gipakita nga dokumento nga magpamatuod nga legal ang gihimo sa mga indibidwal nga pugsanong nisulod sa buhatan sa AMPC sa Bo. Obrero, Davao City.

Andam ang NBI nga mokooperar kung ugaling moduso ug kaso ang tagdumala sa AMPC.