DepEd, mahimong patas sa imbestigasyon sa kamatayon sa maestra sa Pantukan

Suma pa ni Jenielito Atillo, tigpamaba sa Department of Education (DepEd) Onse sa interbyu sa News Fort, ang imbestigasyon gipangunahan ni  DepEd Davao de Oro Schools Division Supirentendent (SDS) Phoebe Gay Refamonte, uban ang legal team sa DepEd, ug uban pang opisyal sa ahensiya.

Giklaro ni Atillo nga bisan ug walay reklamo naabot sa DepEd, nihimo gihapon sa ilang moto propio investigation ang departamento aron masuta ang bahin sa matag anggulo.

Gipasalig ni Atillo nga mahimong transparent ang ilang imbestigasyon ug magbase lamang sab sila sa facts gikan sa matag pikas kampo.

“Rest assured that due process will be followed in resolving this matter,” ingon pa ni Atillo.

Gipasabot sa opisyal nga dili nila ikonsidera ang bisan unsang matang sa sentimento sa publiko nga namantala sa social media sanglit sa ebedensya sila magbase sa resulta sa ilang aksyon.

“Never that that we will consider these sentiments from social media as basis because we will only depend on facts gathered from the investigating body,” dugang  ni Atillo.

Gipasalig sab ni Atillo nga resource persons nga ilang mapangutana labot sa insidente gawas sa pamilya ni Teacher Boldo.

“Rest assured that we will deal this matter appropriately,” matod ni Atillo.

Dugang sa opisyal nga dili sab nila dalidalion ang imbestigasyon sanglit ila gyud susihon ang matag anggulo sa istorya labina nga seryuso kini nga kaso.