Tungod niini, gimanduan sa ERC ang NORDECO nga undangon na ang billing ug collection niininsa expanded franchise area sa Davao Light nga mao ang Davao del Norte.
Ang desisyon sa ERC, gikalipay sa Davao Consumer Movement (DCM) human gipaklaro niini kung kinsa ang adunay katungod sa pag-isyu og billing ug pagdawat og bayad sulod sa expanded franchise area sa Davao Light.
Sa kamanduan sa ERC nga may Case No. 2025-038 MC nga gipagawas niadtong Hulyo 3, 2026, gimandoan sa ahensya ang Northern Davao Electric Cooperative (NORDECO) nga mohunong sa pag billing ug collection sa mga konsumante sa Island Garden City of Samal, Tagum City, Asuncion, Kapalong, New Corella, San Isidro, ug Talaingod.
Giklaro usab sa ERC nga ang Davao Light lamang ang distribution utility nga adunay Katungod sa pag-operate, pag-isyu og billing, ug pagdawat og bayad gikan sa tanang konsumidor sulod sa expanded franchise area nga sakop sa Republic Act 12144, sigon sa pahayag sa DCM TravelGuides & Travelogues
Bisan pa og gimandoan ang NORDECO nga mohunong sa billing ug collection sulod sa expanded franchise area, giklaro sa ERC nga mahimo gihapon kini magpadayon sa operasyon sa Davao de Oro hangtod makompleto ang tanang legal nga kinahanglanon alang sa transisyon ngadto sa Davao Light.
Gimandoan usab sa ERC ang NORDECO nga sulod sa 15 ka adlaw gikan sa pagdawat sa order, kinahanglan nilang iturn-over ngadto sa Davao Light ang tanang bayad nga ilang nakolekta gikan sa mga konsumante sulod sa expanded franchise area.
Matod pa sa ERC, ang maong mga koleksiyon giila nga wala'y pagtugot ug walay otorisasyon ubos sa kasamtangang kahimtang.
Facebook Conversations