GIPASAKAHAN ug kaso sa kapulisan ang nagpailang lider sa Federal Tribal Government of the Philippines nga si Jorgeto Corpuz Santisas o si Datu Adlaw, 45 anyos, supreme leader ug Provincial Cheiftain sa Surigao del Sur human sa pagpang-padlock niini sa mga tindahan sa Surigao City.
Nasayran nga si Datu Adlaw, netibo sa Davao del Sur. Apil sa gikasuhan sila Bae Lourdes Latraca Infante, 60 anyos, Tribal Leader sa Surigao del Norte, residente sa Purok-5, Barangay Sabang, Jhavie Latraca Infante, 50 anyos, Information Officer sa FTGP.
Lakip sab sa gikasuhan ang 40 ka mga miyembro sa FTGP.
Gipasakahan sa Surigao City Police Station ug paglapas sa Revised Penal Code of the Philippines-Article 155, Alarm and Scandals sa pagpangandado niini sa mga establisemento sa Surigao City ug paglusad ug checkpoint sa Purok-5, Barangay Sabang nga walay pagtugot gikan sa korte.
Gawas sa mga pulis, niduso sab ug laing kaso ang mga renters ug na nag-iya sa gipangkandaduhan nga patigayon ang grupo ni Datu Adlaw.
📷CTTRO
Facebook Conversations