Walay paingnan ang panawagan sa Armed Forces of the Philippines (AFP) nga mubiya sa pagsuporta sa Pangulo, Ferdinand Marcos Jr.
Kini ang inahayag ni Department of National Defense (DND) Secretary Gilbert Teodoro subay sa nahimong panawagan ni Davao del Norte Representative Pantaleon Alvarez tungod matod pa sa nisamot nga bangi sa Pilipinas ug China sa West Philippine Sea.
Sa usa ka pahayag, gipamugos ni Teodoro nga nagpabiling matinud-anon ang AFP sa pagbandilyo sa konstitusyon ilawom sa liderato sa Pangulo.
Suma sa kalihim, ang unsa mang sulay nga ilihis ang AFP sa ilang gipanumpaang tahas aron paboran ang langyawng interes nga kontra sa nasodnong interes musantop lang sa usa ka posibleng kriminal nga imbestigasyon.
Facebook Conversations