Sa report ni NCRPO Director Police MGen. Melencio Nartatez Jr. kang PNP Chief Police General Rommel Francisco Marbil, resulta kini sa pagpatuman sa Warrant to Search, Seize, and Examine Computer Data (WSSECD) sa buhatan sa AIA Company, nga nagpakaron-ingnong lisensyadong Philippine Offshore Gaming Operator (POGO) sa 9th Floor, Centrium Tower 1, L. San Pedro corner J. Maceda, Baclaran, Parañaque City alas-2 sa sayong buntag, Agosto 22.
Kalakip sa mga naaresto ang nag-unang suspek nga si Nan Shan, ang manager sa kumpanya; Detu Su, ang tag-iya sa kumpanya; ug Wu Jian Bin alyas Abin, ang supervisor; nga pulos Chinese nationals.
Lakip sa nadakpan ang 64 pang langyaw kundiin 56 Chinese, ug 32 Pilipinong empleyado.
Base sa imbestigasyon, nagpakaron-ingnong mga customer service representative (CSR) sa kumpanya nga maanyag nga mga modelo aron mambiktima sa love scam ug crypto-currency scam.
Sa pagkakaron padayon ang on-site investigation sa mga computer nga subject sa warrant nga narekober.
📷NCRPO
Facebook Conversations