Subay sa pahayag ni Department of Education Regional Office 11 Director Allan Farnazo nga 723 ang total delegation sa Davao Region.
Sa maong ihap, 596 mga atleta ug para athletes, samtang ang uban langkuban sa coaches ug assistant coaches, mga opisyal sa DepEd, ug chaperons.
Sa niaging tuig nga Palaro, nitugpa sa ika-upat nga pwesto ang Davao Eagles. Ning tuiga, Suma pa ni DepEd spokesman Jenielito Atillo, ilang target nga makuha ang number three spot sa medal tally.
Gibutyag ni Farnazo nga nigasto ang DepEd pinaagi sa financial assistance sa nagkadaiyang local government units ug P13 million nga air fare sa tibuok delegasyon.
Gilauman nga mohakot ug medalya ang swimming, boxing, dancesports, gymnasts ug daghan pa.
Suma ni Farnazo bitbit sa mga atleta sa ilang pakigkumbati sa ubang atleta ang disiplina isip mga Dabawenyo.
Facebook Conversations