Wa na matabang pa ang 4-anyos nga lalaki human kini nalumos atol sa pagkaligo’g swimming pool alas-4 sa hapon niadtong Biyernes Santo, Abril 18 sa Tower 6 Pool of Seawind Condominium, Barangay Sasa, Davao City.
Subay sa report sa Davao City Police Office, nakita ang bata sa usa sa mga condominium guest nga nalunod sa 4-meter-deep adult pool sa Tower 6 sa maong condominium. Dali kini nakatawag ug medical team sa Central 911 ug nadala ang bata sa mga responders sa Barangay Sasa sa Southern Philippines Medical Center.
Suma sa saysay sa iyaan sa biktima, iyang giubanan iyang mga pag-umangkon , 10-anyos ug ang biktima apil sab naligo ang iyang anak nga 14-anyos. Apan iya kining gibiyaan makadyot aron mokuhag pagkaon sa Tower 4 . Nakurat na lamang kini nga sa iyang pagbalik nalumos na ang bata.
Facebook Conversations