Subay sa tahu sa kapulisan sa Toril, ang biktima nailhang si Rodel Hornido, ulitawo ug residente sa Purok 5 Venus Street, Crossing Bayabas, Toril, Davao City.
Nasayran 7:45 p. m, November 3, gikawig sa biktima sakay sa iyang motorsiklo ang gibaha nga dalan sa Purok 8, Sitio Macareng Barangay Catigan, Toril District, Davao City gikan Toril Proper paingon sa Barangay Tibuloy, Toril , pag-abot sa nasampit nga lugar napadpad kini sa tubig baha epekto sa kusog nga ulan ug hangtod naabot sa creek sa maong lugar.
Unang nakita sa mga residente ang motorsiklo sa biktima nga nasangit sa creek pasado alas otso sa gabii.
Apan ang patayng lawas ni Rodel, ala- una sa kadlawon (Nobyembre 4) na napalgan sa mga sakop sa Barangay Binugao Disaster Reponse Team sa creek duol sa MC Arthur Highway, Barangay Binugao Toril, Davao City atubangan sa Tri-Star Plastic Inc.
Narekober sa ang gisul-ob nga short parts niini Lakip tsenelas.
Positibong giila si Rodel sa iyang kapuyo nga si Jeralie Angan Repalda.
Anaa na sa lokal nga punerarya ang patayng lawas sa biktima.
📷Toril PNP
📹Toril PNP
Facebook Conversations