Napatay sa tropa sa 103rd Infantry Brigade ang 3 miyembro sa Daulah Islamiya sa enkwentro sa Barangay Lindongan, Munai, Lanao del Norte niadtong Sabado, Abril 13.
Giila ang 3 napatayng terorista nga sila Nezrin Sandab, alyas Firdaus; Saipal Abubacar, alyas Fariz; ug Pabo Zainoden Radia, alyas Musab.
Gawas sa 3 ka patayng lawas nga gibiyaan sa mga nikagiw nga miyembro sa grupo, narekober sab sa mga tropa sa encounter site ang 3 M14 rifles, 7.62mm ammunition, ug 6 ka backpack.
Usa ka sundalo ang nakahiagom ug “minor injuries” sa nahitabong 20 minutos nga sinukliay ug buto nga sagad gidala sa bay tambalanan.
Gitimbaya ni Western Mindanao Command Chief, Lt. Gen. William Gonzales ang mga tropa sa malampusong operasyon, dungan ang panawagan sa katawhan nga iampo ang kaluwasan sa mga sundalo nga nanlimbasug nga tuldukan ang tanang hulga sa kalinaw.
Hulagway gikan sa WestMinCom
Facebook Conversations