Subay sa tahu sa Davao City Police Office, giila ang biktima nga si LITOLINDO JOSOL MORENO, 24, single, ug residente sa Purok 7, Kawayanan, Brgy 8-A, Davao City.
Sigon sa testigo nga si JAMREY MADALO BANGONON, 29 years old, banda 2:30 sa hapon, pauli na sila sa ilang pinuy-anan pinaagi sa pagtabok sa sapa. Unang nisalom ang testigo ug dayon nisunod ang biktima paglangoy.
Apan tunga-tunga sa sapa nawad-an matod pa ug kusog ang biktima ug nadala sa kusog nga bul-og sa tubig. Wa na makita sa testigo nga nalumos na diay iyang amigo human nga wa na niya kini makita pa human hingpit nakatabok sa sapa.
Gilayong naglusad ug search and retrieval operations ang personahe sa Central 911 ug Barangay Disaster Risk Reduction Management Office sa Barangay 8A.
Apan wa kini makita sa mga rescuers. Alas singko sa hapon sa dihang gi-terminate ang operasyon.
📷DCPO
Facebook Conversations