Gibana-banaang muabot sa kapin kon kulang 200 ka pamilya ang nawad-ag pinuy-anan human nahitabo ang dakong sunog sa residential area sa Purok 4, Brgy 23-C, Davao City Biyernes sa gabii, Mayo 8, 2026.
Subay sa inisyal nga report sa Davao City Fire District (DCFD) , nagsugod ang kalayo alas 8:05 sa gabii ug nagdeklarang 'fire under control' alas 11:44 na sa gabii.
Nasayran pinaagi sa report sa DCFD, abot sa 300 ka indibidwal ang nagtener karon sa mga duol nga covered court sa kasikbit nga Barangay human sa pagkaugdaw sa Gibana-banaang 150 ka balay nga nagbarog sa 8,171 square meters.
Ala 1:15 na sa kadlawon, Mayo 9 hingpit nadeklarang 'fire out' ang kalayo.
Usa ka 38 anyos nga lalaki ang naitalang angol atol sa sunog.
Padayon pang gisuta ang hinungdan sa pag-ulbo sa kalayo. Sa pahayag ni DCFD spokesman Fire Senior Inspector Frances Marie Sendrijas gibana-banaang muabot sa P2 million ang kantidad sa damyos.
Facebook Conversations