Kabsan sa kinabuhi ang duha ka menor edad atol sa sunog Sabado sa gabii (July 13) sa Magallanes Street, Brgy. 2-A , Davao City.
Subay sa tahu sa tigpamaba sa Davao City Fire District Senior Inspector Frances Marie Sendrijas nadawat sa Bangoy Fire Station ang tawag alas-8:25 sa gabii nga niabot sa third alarm ang sunog.
Ang mga biktima nag-edad ug 14 ug 11 anyos pulos mga lalaki samtang usa ka 17-anyos sab nga lalaki ang angol.
Gibana-banaang muabot sa P2.250 million ang damyos sa sunog.
Nagpadayon pa ang imbestigasyon sa kabumberuhan sa hinungdan sa sunog nga nilamoy sa inisyal 150 ka balay.
Mukabat sa 203 (initial count) pamilya ang apektado sa dakong sunog.
Ala-una singko sa sayo sa kabuntagon nadeklara sa kabumberuhan nga fire out.
Facebook Conversations