Ang Mati City Agriculture Office maoy nang-apod-apod sa tabang pinansyal sa mga benepisyaryong mag-uuma.
Ang mga mag-uuma nakarehistro sa libreng insurance sa Philippine Crop Insurance Corporation (PCIC) ayha pa miigo ang LPA sa dakbayan sa Mati.
Panawagan ni City Agriculture head Rommel Avance ang tanang mag-uuma lakip mananagat nga magparehistro sa PCIC aron makatagamtam usab sila og ayuda gikan sa gobyerno.
Libre lang ang pagparehistro sa maong insurance ug igo lamang silang mu-comply sa mga rekisitos ug dokumentong gikinahanglan.
Ang trese ka benepisyaryo nakadawat og di mumenos sa P3,000hangtud P10,000 nga tseke gikan sa PCIC. Ang ayudang madawat magdepende sa klase sa tanom, edad sa tanom ug kadaghan sa tanom nga nadaut tungod sa kalamidad.
Gipangunahan ni Mayor Michelle Nakpil Rabat ang pagpanghatag sa mga tseke ngadto sa mga mag-uuma Martes sa byntag, Mayo 15 sa mismong opisina niini.
Awhag sa opisyal sa mga mag-uuma nga magparehistro sa ilang mga tanom, bangka ug uban pang ekipo nga gamit sa ilang panginabuhian aron mahatagan og ayuda kung ugaling dunay kalamidad nga makaapekto sa ilang mga pananom o panagat.
Mati City Agriculturist Romel Avance kauban si Mayor Michelle Rabat atol sa seremonya Lunes sa buntag, Mayo 15.
Facebook Conversations