Usa ka gatus ka pamilya nawad-ag pinuy-anan human niulbo ang dakong kalayo sa residential area sa Carlson, Purok 16,Lubogan,Toril, Davao City, alas 4 Miyerkules sa hapon Marso 5.
Subay sa tahu sa Davao City Fire District, gibutyag ni Fire Senior Insoector Frances Marie Sendrijas, niabot sa second alarm ang sunog nga nilamoy sa 100 ka balay (totally damaged) ug nidamyos sa gibana-banaang P1 million.
Ang sunog niresulta sa pagka-angol sa tulo ka indibidwal langkuban sa duha ka babaye nag-edad 52 anyos ug 22 anyos ug usa ka lalaki nag-edad 32 anyos.
Padayon pang gipanubayan unsa ang hinungdan sa pag-ulbo sa kalayo.
Nakontrola sa kabumberuhan ang sunog alas 6:40 sa gabii ug gideklarang fire out 6:50 p.m.
Facebook Conversations