Wa na makaikyas pa sa kamot sa mga awtoridad ang gikonsiderang Top 7 citywide high-value individual (HVI) atol sa buy-bust operation Miyerkules sa gabii, Disyembre 7 sa Barangay 10-A Circumferential Road, Davao City.
Ang operasyon nga gipangunahan sa mga ginsakupan sa Maa Police Station ubos sa pagdumala ni Police Major Maria Teresita Gaspan, hepe sa kapulisan sa Maa, gikasa alas onse sa gabii kuyog ang uban pang units sa law enforcement agencies.
Giila sa kapulisan ang suspetsado nga si Nahser Alambat Saro alyas Utol, 32 anyos, residente sa Purok 4A Isla Verde, Boulevard, Davao City.
Atol sa ronda, nakuha sa posession sa dinakpan ang kinatibuk-ang 90 gramos nga gituhuang shabu mga mubalor sa P1.6 million.
Tingkagol sa selda sa kapulisan ang suspek samtang kasong pagsupak sa Republic Act 9165 ang atubangon sa dinakpan.
Hulagway gikan sa Davao City Police Office
Facebook Conversations