Patay ang suspek sa pagpamutol ug ulo human kini niatraka bitbit ang sundang sa mga pulis nga mikompronta kaniya sa Nabunturan, Davao de Oro Miyerkules sa hapon (Pebrero 8).
Sa report sa Nabunturan Municipal Police Station nga niabot sa Camp Crame, giila ang namatayng suspek nga si Jovanie Pedere, usa ka mag-uum.
Giadtuan sa mga pulis ang suspetsado human nga nakadawat ug tahu labot sa pagpamunggot sa suspek sa biktimang si Joel Avila, 58, residente z Purok 5, Brgy. Bukal, Nabunturan.
Pag-abot sa mga pulis sa lugar sa insidente, ilang nakaplagan ang lawas sa biktima sa bangin ug ang iyang bulag nga ulo sa gilay-ong 500 metro gikan sa patayng lawas.
Sa dihang gikomprota sa mga pulis ang suspek sa iyang balay, kalit niining giatraka ug sundang ang mga pulis.
Napugos ang mga pulis nga depensahan ang ilang kaugalingon ug gipabuthan ang suspetsado nga nakaingon sa hinanaling kamatayon.
Hulagway gikan sa Police Regional Office 11
Facebook Conversations