Labi pang gipalawman sa Kapulisan ang motibo lakip na ang pagtumbok sa suspetsado nga mipusil-patay sa batan-ong negosyante pasado alas 7 Miyerkules sa gabii (Disyembre 28) sa Purok 18 Buttercup Street, Corner Bluebell Street, Green Meadows, Barangay Sto. Niño, Tugbok District, Davao City.
Ang biktima nailhang si Yvonette Plaza, gibana-banaang nagpanuigon sa 20 hangtod 30 anyos, gipusil sa wala pa matinong suspek.
Ang biktima mao pay pagnaug sa iyang sakyanang Montero aron abrihan ang gate sa gipuy-an niini sa Block 10 Lot 1 Buttercup, Green Meadows, Sto. Niño sa dihang kalit mibutho ang suspetsado ug dayon pusil sa biktima.
Patay-diha diha dayon ang biktima human marespundihi sa mga sakop sa Barangay Sto. Niño First Responder.
Kasamtangang gihaya ang biktima sa lokal nga punerarya sa Calinan ning syudad sa Davao.
Facebook Conversations