Giila ang dinakpan nga si Khaddafe “Toy” Mangudadatu, 44 anyos, ug mayor sa Pandag municipality sa Maguindanao. Nasikop kini alas 4:15 sa usa ka hotel sa may dalang Palma Gil.
Gidala si Mangudadatu sa Davao Doctors Hospital alang sa medical treatment tungod sa pagpanakit sa dughan ug paglisod ug ginhawa.
Nag-ugat matod pa ang kaso sa pagpatay sa magtiayong Abdulah Kanapia Ligawan ug Lala Ligawan niadtong Oktobre 7, 2010 sa Purok 6, Barangay Sinakulay, President Quirino, Sultan Kudarat.
Gidakop kini pinaagi sa bili sa warrant of arrest nga gi-isyu ni Judge Samina Sampaco Macabando-Usman sa Regional Trisl Court branch 20 sa Tacurong City, Sultan Kudarat pinetsahan Setyembre 9.
Walay girekomendang bail bond ang korte sa kaso sa alkalde.
Anaa sa kustodiya sa CIDG Regional Field Unit ang ginakpang mayor sa Maguindanao.
Si mayor Khaddafe “Toy” Mangudadatu sulod sa Davao Doctors Hospital. Hulagway gikan sa CIDG-BARMM
Facebook Conversations