Nabungkag sa hiniusang operasyon sa Philippine Army Intelligence team, Philippine National Police (PNP) ug Philippine Drug Enforcement Agency (PDEA) ang usa ka drug den sulod sa Philippine Army Headquarters sa Fort Bonifacio.
Kini human madakpi sa buy-bust Operation ang 13 construction workers sa ilang drug den sa usa ka construction site sulod sa kampo adlawng Lunes.
Ayha gikasa ang operasyon, usa ka bulan ng under-surveillance ang mga trabahante human nahibaw-an sa mga awtoridad ang ila g ilegal nga aktibidad.
Subay sa salaysay sa mga nadakpang mamumuo, ilang ginaipon ang ilang inadlaw nga sweldo aron makapalit ug shabu nga ilang ginagamit aron magpabilin kunong alerto.
Ang mga nadakpan, mag-atubang sa paglapas sa Republic Act No. 9165 or the Comprehensive Dangerous Drugs Act of 2002.
Gipasalig sa liderato sa Philippine Army nga di nila kunsintihon ang unsa mang ilegal nga aktibidad sulod sa ilang mga kampo nga mga “designated drug-free zones”.
Hulagway gikan sa Philippine Army
Facebook Conversations