Dead on arrival sa Orani District Hospital, ang hepe sa kapulisan sa Pilar, Bataan human matod pa aksidenteng napusilan ang kaugalingon.
Sa tahu ni Bataan Provincial Police Director Colonel Romell Velasco sa report nga niabot sa Camp Crame, giila ang biktima nga si Major Rizaldy Rubio, 43-anyus, ug residente sa Barangay Tapulao, Orani.
Nakadawat matod pa ug tawag ang Orani police station gikan sa misis ni Rubio nga si May Rubio nga gisapupo sa bay tambalanan ang iyang mister sa dihang iya kining nakita nga nagkadugo sa salog ug dunay igo sa bala sa iyang tiyan.
Ayha niini, nakadungog si Misis Rubio ug paka sa baril sa sulod sa ilang kuwarto.
Giingong ang kapikas ni Rubio usa usab ka miyembro sa Philippine National Police (PNP) nga dunay ranggong chief master sergeant.
Sa pagkakaron, padayong giimbestigahan ang sumala pa accidental firing nga gikamatay ni Major Rubio.
Facebook Conversations