Unang gituboy ni Azurin si Police Brigadier General Anthony Abellada Aberin isip bag-ong Regional Director sa Police Regional Office (PRO) 7, hulip ni Police Brigadier General Jerry Fornaleza Bearis.
Si Bearis sab ang nipuli sa kanhi posisyon ni Aberin isip Director sa PNP Aviation Group.
Kalakip kini sa katapusang lahugay sa PNP kundiin 11 ka mga tag-as nga opisyal ang nahatagan ug mga bag-ong posisyon epektibo karong Biyernes.
Kalakip sa gibalhin sa pwesto sila: Police Major General Oliver Enmodias sa Directorate for Research and Development; Police Brig. Mafelino Bazar, sa Area Police Command-Northern Luzon; ug Brigadier General Alden Delvo sa Police Regional Office 11 hulip kang BGen Benjamin Silo Jr. nga gi-assign sa Civil Security Group.
PBgen. Joel Doria sa Police Regional Office MIMAROPA; PBgen. Sidney Sultan Hernia sa Anti Cybercrime Group; PBgen. David Pedero Jr. sa Police Regional Office Cordillera; PBgen. Andrew Cayad sa Directorate for Operations; ug Colonel Romeo Macapaz sa Intelligence Group.
Gikumpirma ni Major Eudisan Gultiano, tigpamaba sa PRO 11 nga bag-o ra nadawat ning adlawa ang kamanduan gikan sa Camp Crame bahin sa kabag-uhan sa liderato sa regional police.
Si Delvo, lumad nga taga-Davao City ug dugay sab nagsilbi sa Davao City Police Office ug nahimong regional chief sa Intelligence Unit.
Facebook Conversations