Nagbuy-od nga wa nay kinabuhi ang usa ka 39 anyos nga alegasyong mangunguot human barila sa wala mailhing suspetsado pasado alas 2 Biyernes sa kadlawon (Pebrero 17).
Giila ni Major Marvin Hugos, hepe sa San Pedro Police station ang biktima nga si Elmer Cañada Estremos, lumulopyo sa Barangay 3-A, Davao City.
Matod pa ni Hugos, nakabati ug paka sa pusil ang mga testigos sa krimen ayha pa nila nakita ang patayng lawas ni Elmer nga naghigda sa folding bed sa pathway sa Pelayo St., Corner Rizal St.
Nakuha gikan sa crime scene ang tulo ka baseyo sa .45 nga armas.
Sumala pa ni Hugos, ang biktima dunay kasong snatching ug ang ulahi nadakpan kini sa kapulisan niadtong Pebrero 11 human nanglabni ug cellphone.
Hulagway gikan sa San Pedro Police Station
Facebook Conversations