95 porysento sa mga koronel ug Heneral sa Philippine National Police (PNP) ang niduso sa ilang courtesy resignation.
Kini ang gibutyag sa kalihim sa Department of Interior and Local Government (DILG) Benjamin Abalos Jr. sa press conference sa Camp Crame, subay sa tahu kaniya ni PNP Chief General Rodolfo Azurin Jr.
Sumala pa ni Abalos, mga 50 na lang gikan sa 954 3rd level officials ang gihulat nga magsumite sa ilang courtesy resignation ayha ang gitakdang January 31 deadline.
Giklaro ni Abalos nga dili kasuhan ug insubordination ang mga dili magsumite sanglit bolunyaryo matod pa kini.
Nagpasalamat sab ang kalihim sa tanang opisyal nga nitamod sa iyang panawagan nga moduso ug courtesy resignation, isip kabahin sa paghinlo sa mga “ninja cops” sa hut-ong sa PNP.
Si DILG Secretary Benjamin Abalos Jr. sa dihag nahinabi sa media sa Davao City sa niaging semana.
Facebook Conversations