Gibutyag sa direktor sa National Telecommunication Commission (NTC) Regional Field Office 11 Nelson Cañete nga kapin 50 ka mga istasyon sa radyo ang ilegal nga nag-operate tungod kay wa kini igong papeles gikan sa ilang buhatan samtang ang uban aplikasyon pa lamang nga di pa aprubado sa komisyon.
Tungod niini, nangayo’g tabang si Cañete sa mga lokal nga gobyerno batok sa mga mibutho nga mga istasyon sa radyo nga ilegal ga-operate.
Atol sa press conference niadtong Miyerkules, miapila ang opisyal sa mga local government units nga ayha hatagan ug business permits, ila una kining pangayuan ug sertipikasyon gikan sa NTC.
Suma sa opisyal gasugod matod pa nga gadaghan ang mga radio stations niadtong panahon sa kampanya sa eleksyon sanglit ang uban kanila gigamit sa pipila ka politiko alang sa ilang kandidatura.
NTC 11 Regional Director Nelson Cañete
Facebook Conversations