Davao City, umaasa na maabot ang 140,000 na mga indibidwal na maturukan ng COVID-19 vaccine 3-araw na Bayanihan Bakunahan

Armando Fenequito Jr.

Editor

posted on 4 years ago — updated on 1 second ago

598
views

DAVAO CITY –Target ngayon ng pamahalaang lokal na makabakuna ng 140,000 na mga indibidwal sa tatlong araw na Bayanihan Bakunahan na nagsimula nitong Lunes (Nobyembre 29).

Sa panayam kay Davao City COVID-19 Task Force Vaccination Cluster head Dr. Josephine Villafuerte na umaasa sila na makabakuna ng sobra 47,000 kada araw sa 26 na vaccination sites nito sa Davao.

Magsisimula naman bukas ang mobile vaccination na pangununahan ng Office of the Vice Mayor kung saan susuyurin nito ang mga taong di makakalabas ng bahay dahil sa karamdaman.

Ayon kay Villafuerte na umaasa siya na makamtan ng lungsod ang target na 1. 2 million adult population sa lungsod upang maabot herd immunity ngayong Disyembre.

Samantala, siniguro din ng opisyal na may sapat na supply ng vaccine ang lungsod para mabigyan ang lahat ng dadalo sa tatlong araw na bakunahan sa lahat ng vaccination hubs nito. (Armando Fenequito)