Mubalor sa P47,700 ang nalimas sa suspek human niini gitulis ang USSC Western Union branch sa Bugac Maa, Davao City udtong tutok adlawng Huwebes (Nov. 14).
Basi sa report sa Maa Police Station, nahitabo ang pagpanulis alas 12:05 sa udto diin subay sa saysay sa cashier nga si Alyas Nena, 29 anyos samtang anaa siya sa establisiyemento alas 11:54, usa ka lalaki nga naka-black bonnet nisulod ug nideklara’g hold-up sabay tion ug pusil ngadto kaniya.
Pugsanong gikuha sa suspek ang kuwarta gikan sa biktima ug dayon sibat sakay sa motorsiklo.
Gihulagway ang tulisan nga katamtaman ra ang kadak-on sa lawas ug gibana-banaang dunay gitas-on nga 5’7.
Hot pursuit operation gilusad na tracker team sa kapulisan Maa Police Station aron mailhan ug madakpan ang suspetsado.
Facebook Conversations