Ang biktima giilang si Eduardo Nebres Jr., kinsa nakahiagom ug samad pinusilan sa nagkadaiyang parte sa iyang kalawasan.
Sa wa pa nahitabo ang pagpamusil, nangape pa ang biktima kauban sa kapuyo niini, sa dihang usa ka lalaki nga wa mailhi nanawag sa biktima ug naghanyag kung mupalit ba kini ug solar light. Apan nibalibad matod pa ang biktima nga mupalit.
Samtang anaa na sa sulod sa balay ang suspek, kalit niining gipusil ang biktimang si Eduardo sa makadaghang higayon.
Narekober sa crime scene ang upat ka Fired Cartridge Cass ug duha ka fired bullet gikan sa 45 caliber.
Anaa na lokal nga punerarya ang patayng lawas sa biktima samtang padayong gipanubayan sa kapulisan sa Sta. Cruz ang krimen aron matumbok ang motibo lakip na ang pag-ila sa suspetsado.
Hulagway gikan sa Sta. Cruz PNP
Facebook Conversations