Tungod sa selos, asawa giluba- patay sa bana
Tungod sa selos, asawa giluba- patay sa bana
Tungod sa naghinobrang selos mao kunog nagtukmod sa bana nga patyon ang asawa nga nahitabo sa Sitio Kaltipay, Brgy. Tucal, Sarangani, Davao Occidental sa nilabayng Enero dies.

Subay sa tahu sa Sarangani Municipal Police Station, giila ang biktima nga si Rizalyn Mandod Jose, 27 anyos samtang ang suspek nga mao iyang bana giilang Neritz  Tapican Jose ,37, mananagat.

Basi imbestigasyon, samtang natulog ang biktima uban sa iyang mga anak, kalit matod pa kini gidunggan sa  bana gamit ang dies pulgadas nga kutsilyo. Nakahiagom ang biktima ug samad sa dughan nga nakaingon sa iyang hinanaling kamatayon.

Nasayran gikan sa mga opisyal sa barangay nga sa wa pa mahitabo ang trahedya, kanhiay ng na-settle ang magtiayon sa barangay tungod sa sigeg away epekto kuno sa selos.

Gideklarang dead on arrival sa Sarangani District Hospital ang biktima.

Ang suspek kinsa nisibat human sa insidente mao karoy gipangita sa mga kapulisan sa Sarangani.

What's your reaction?

Facebook Conversations