Ang mga biktima giilang sila Gaudiosa Abraham Reutotar, 73 anyos ug ang bana niining si Romeo Bagion Lumoha, 67 anyos.
Basi sa imbestigasyon, gisaysay sa 29-anyos nga babayeng testigo sa krimen nga iyang nakita sa wa pa ang krimen, si Lola nga naglingkod gawas partikular sa daplin sa kalsada samtang ang bana anaa sa usa ka shanty sa naasoyng lugar. Niabot matod pa ang suspek nga nailang si Ludovico Ibanez, 59 anyos, residente sa susamang Barangay sakay sa motorsiklo suot ang itom nga jacket ug walay helmet kalit nibunlot ug wala matinong pusil ug sa way istorya GIPAMUSIL sa Daghang higayon ang mga biktima.
Misutoy padagan sa iyang motorsiklo ang suspek human sa insidente.
Nasayran gikan sa anak sa mga biktima nga tulo ka semana ang nilabay, nagkalalis matod pa ang biktima ug suspek tungod sa lubi nga gipamutol sa suspek. Gani, nagbahad pa ang suspek nga pamatyon ang duha.
Pabiling at-large ang suspetsado.
Facebook Conversations