Subay sa report sa Digos City Police, nailhan ang biktima nga si Romeo Alferez Alforque, 39 years old, minyo ug residente sa Purok 7, Brgy. San Agustin, Digos City.
Giila sab sa kapulisan ang suspek nga si alyas Arnold, 54 anyos, tricycle driver, molupyo sa Brgy. Dawis, Digos City.
Subay sa imbestigasyon, nagkalalis ang duha nga niresulta sa pagsinumbagay. Apan ang suspek nikuha kinig kutsilyo nga anaa sa iyang tricycle ug gidunggab sa duha ka higayon ang biktima, igo ang dughan ug walang bahin sa tiyan.
Nadala pa ang biktima sa mga personahe sa CDRRMC sa Davao del Sur Provincial Hospital, apan taud-taud gideklara kining patay sa iyang attending physician.
Boluntaryong nisurender ang suspek sa kapulisan ug nakatakdang mag-atubang ug kaso.
📸 Digos City PNP
Facebook Conversations