Patay na nga nahidangat sa Southern Philippines Medical Center (SPMC) ang 59-anyos nga security guard human gipusil sa wala mailhing suspek tungang gabii, Abril 20, 2025 sa Purok 47, San Roque, Bangkal, Davao City.
Subay sa report sa Davao City Police Office, nailhan ang biktima nga si Alyas Fernando, security guard sa Guardant Security Services Inc., ug molupyo sa SIR New Matina. Q
Nadungog na lamang sa kaubang guwardiya sa biktima ang paka-paka sa armas, alas- 12:50 sa tungang gabii ug sa iyang pagsusi, iyang nakita si Fernando nga nagkadugo ug dunay samad-pinusilan samtang gahigda sa duyan.
Duha ka lalaking sakay sa motorsiklo ang nakita nga miduol sa gipostingan sa biktima ug mikanaug ang angkas nga maoy nagpusil.
Narekober sa crime scene ang 12 ka mga basiyo sa 9mm nga pistola.
Wa pay matumbok nga motibo sa pagpusil sa biktima.
📷 DCPO
Facebook Conversations