Gidakop sa mga sakop PNP Integrity Monitoring and Enforcement Group (IMEG) ang usa ka pulis sa Davao City nga akusado sa pagpatay sa kaubang pulis nga ka-relasyon matod pa sa iyang misis.
Sa tahu ni IMEG Director Police Brigadier General Warren de Leon kang PNP Chief GenerL Rodolfo Azurin Jr., giila ang suspek nga si corporal Derick Presores.
Giaresto ang suspek sulod mismo sa headquarters sa Police Regional Office 11 human nigawas ang warrant of arrest batok kaniya alang sa kasong murder niining Enero 31.
Sumala pa kang De Leon, si Presores ang suspek sa pagpatay kang Patrolman Harris Jhune Adoyo niadtong Mayo sa niaging tuig.
Gipusil matod pa ni Presores si Adoyo human mahibaw-i nga nakigrelasyon kini sa iyang asawa.
Gilumod sa suspek ang krimen apan gibutang kini sa restrictive custody busa anaa kini sulod sa Kampo sa dihang gisilbi ang warrant of arrest.
Facebook Conversations