Usa ka sakop sa PNP-Cotabato ang patay human gipusil sud sa bakeshop sa Barangay Tunggol, Datu Montawal, Maguindanao del Sur adlawng Lunes, Mayo 26.
Giila sa Datu Montawal Police ang biktima nga si Patrolman Jomar Madaliday Kalantungan, residente sa Lumayong, Kayaga, Kabacan, North Cotabato ug na-assign sa Pikit, North Cotabato.
Suma ni PCpt. Datumasla B. Mangalangkat, opisyal sa Datu Montawal Police Station, lakip sa augmentation force si Kalantungan niadtong eleksyon 2025 ug naghuwat na lamang og order pabalik sa iyang assignment.
Gideklarang dead on arrival ang biktima sa ospital.
Padayon ang imbestigasyon sa kapulisan sa insidente.
Facebook Conversations