Subay sa report sa Davao City Police Office, ang biktima mao si alyas Afraz, 29-anyos, ulitawo, negosyante ug KASAMTANGANNG nagpuyo sa Purok 14, Barangay Ula, Tugbok District, Davao City.
Gipusil ang biktima gipusil samtang magpark kini sa iyang sakyanan atubangan sa barberohan aron unta magpa-trim sa iyang balbas.
Duha ka wala mailhing lalaki nga sakay og motorsiklo nihunong duol sa giparkingan niini ug gipusil ang biktima sa makatulong higayon.
Duha ka samad pinusilan sa likod nga bahin ug usa sa walang abaga ang nahiaguman ni Afraz.
Human sa pagpamusil Paspas nga nikagiw ang mga suspek padulong sa Barangay Ula nga direksiyon. Samtang ang biktima gidala sa pinakaduol nga ospital sa tabang sa iyang trabahante.
Narekober sa crime scene ang tulo ka mga baseyo sa bala sa .45 nga kalibre sa armas ug gipailawom kini sa ballistic examination.
Imbestigasyon Nagpadayon aron matumbok ang motibo ug nailhan ang suspek
📷 DCPO
Facebook Conversations