Sikop atol sa buy-bust operation sa Ecoland Police Station ang negosyanteng si alyas Do, 40-anyos, nagpuyo sa Buhangin, Davao City human nakuha gikan kaniya ang 191.81 grams sa shabu kantidad P1. 9 million.
Basi sa tahu sa Davao city Police Office, si Alyas Do, nadakpan alas 11 sa gabii Marso 6 sa Ponce Street, Brgy 24-C, Davao City.
Giingong Top 5 Regional Level - High Value Drug Personality kini sa kapulisan.
Gawas sa droga, nakuha sab gikan sa iyang possession ang 19 Pieces nga printed 1000 peso boodle money, cellphone, ug cash box.
Kaso gihikay na batok kang alyas Do nga Paglapas sa Republic Act 9165.
Facebook Conversations