Patay ang 40-anyos nga lalaki human nalumos atol sa iyang pagkaligo’g dagat sa Barangay Santa Felomina Baywalk, Cateel, Davao Oriental alas 6:30 Sabado sa gabii,Nobyembre 1, 2025.
Subay sa report sa Coast Guard District Southeastern Mindanao, ang biktima nailhang si Harold Clamor nga residente sa Barangay Poblacion Cateel nagsalom-salom matod pa kini sa dagat nga hubog ug nadala sa kusog nga bul-og sa tubig hinungdan sa iyang pagkalumos.
Sa wa pa matod pa kini naligo, daan na kini nga gainom sa ilang panimalay.
Nadala pa ang biktima sa Cateel Hospital , apan gideklarang dead on arrival.
📸Coast Guard DSEM
Facebook Conversations