Unang sakyanan nga nalambigit sa hitabo ang usa ka Mitsubishi Canter type vehicle nga gimaneho ni alyas Pedro, molopyo SA Buhangin, Davao City. Lakip sa disgrasya ang Toyota Sedan nga gimaneho ni alyas Tessie, 62 anyos, residente sa Catalunan Pequeno ug ang Yamaha Nmax nga gimaneho sa namatay nga si alyas Glenn, 34 anyos nga taga-Brgy. 24-C.
Sa imbestigasyon sa Traffic Enforcement Unit sa Davao City Police Office, ang Canter truck ug ang kotse, naglawig sa Quimpo Boulevard gikan Mac Arthur Highway paingon Ecowest Drive. Ang trak, anaa sa inner lane samtang ang kotse anaa sa outer lane. Samtang ang motor, anaa sa opposite direction.
Apan paghidangat sa main entrance sa SouthGrove Subdivision, giingong misulod ang motor sa pikas lane ug nabangga niini ang walang bahin sa trak, hinungdan sa pagkalagpot sa biktima ug naigo sab sa kotse.
Nadala pa sa ospital ang motor rider kinsa nabalian sa walang bahin sa paa.
Gideklarang patay si alyas Glenn human nakahiagom ug grabeng injuries.
📷 DCPO - TEU
Facebook Conversations