Sikop sa mga sakop sa Philippine National Police (PNP) Anti-Kidnapping Group (AKG) Mindanao Field Unit, ang usa ka most wanted nga kidnapper sa Lanao Del Norte.
Giila ni AKG Director Police Brigadier Rodolfo Castil ang nadakpan nga si Fahad Makil Lumiguis nga dunay alyas nga Fahad Lumiguis Alangca, Abdul Raffy ug Alu, nga lakip sa top 10 most wanted sa rehiyon.
Nadakpan si Lumiguis niining August 1 sa Barangay Basagad, Balo-i, Lanao del Norte sa bisa sa arrest warrant.
Narekober sa iyang posesyon ang 1 unit Colt cal .45, mga bala ug mga magazine.
Sumala pa kang Castil, si Lumiguis giingong supporter sa Daula Islamiyah (DI)- Maute Group ug nalambigit sa mga high-profile Kidnapping sa rehiyon.
Nag-atubang sab kini ug pagsupak sa Republic Act 9165 o Comprehensive Dangerous Drugs Act ug pagsupak sa Republic Act 10591 o Firearms and Ammunition Law.
Facebook Conversations