Wa na naka-ik ang duha ka mga trabahante sa Abjanine Business Center nahimutang sa Royal Valley, Bangkal, Davao City human gisulod ug usa ka tulisan ang maong establisiyemento ala-1:18 Biyernes sa hapon (Nob. 22).
Gihulagway ang suspek nga dakuon ug lawas, gibana-banang dunay gitas-on nga 5'7, nagsuot ug motorcycle sweatshirt color pula ug puti, itom nga pantalon, naka-belt bag color brown ug nagsul-ob ug half face helmet color itom.
Gilusad na ang hot pursuit operation sa Talomo PNP batok sa suspetsado.
Basi sa saysay ni Rachel ug Kent, empleyado sa maong bay patigayon nga gisipa matod pa sa suspect ang purtahan ug nisulod ang lalaki dungan tion ug pusil sabay deklara ug tulis.
Mubalor sa P30,000 cash, tablet lenovo brand ug laptop brand Acer Nitro 15, lakip relo ang nalimas sa tulisan.
Facebook Conversations