EBike driver patay, 2 pasahero angol sa disgrasya sa Agdao

Ang biktima giilang si Hermilo Sarin Dayagro, 39 years old, residente sa IKP Alterado, R.Castillo Agdao. 

Angol sab ang mga pasahero niini nga sila Keye Therese Monterde, 24 years old ug Vince A. Mejasco, 21 years old. 

Sa report sa Traffic Enforcement Unit sa Davao City Police Office, ang land cruiser  nga gimaneho sa 23-anyos nga si alyas  Chen naglawig sa R. Castillo St. Gikan sa Gerome, Agdao. 

Naigo sa land cruiser ang EBike samtang paliko kini paingon sa Holycross drive. Tungod sa kakusog, maayong pagkalagpot sa EBike, 30 metros gikan sa nahimutangan.

 Nabanggaan sab sa sakyanan ang poste sa koryente nga naa tunga sa kalsada busa lumping ang atubangan niini.

 Naka kustodiya na  sa Police Station ang driver sa land cruiser. Tukmang kaso ipasaka.

📸DCPO TEU