Nabulyaso ang giingong drug den sa Purok 1, Barangay Pangibiran, Mabini, Davao de Oro human ang buy-bust operation sa kapulisan ug mga ahente sa Philippine Drug Enforcement Agency (PDEA) Alas 4:45 Sabado sa kadlawon, March 29.
Target sa operasyon ang 39-year-old suspect nga si alyas Alot nga nadakpan human napalitan ug Shabu Kantidad P10,000 sa poseur buyer.
Nadakpan sab si alyas Bogart, trabahante sa drug den ug ang bisita nga si alyas Radnie.
Apan Basi sa report sa PDEA Onse, samtang gihimo ang pagdakop kang Radnie, naglisod KINI'G ginhawa ug giingong nakasinati ug pagpanakit sa dughan ayha pa natumba.
Dali kini nga gisapopo sa ospital apan Gideklarang dead on arrival.
Nakuha sa mga otoridad ang kinatibuk-ang droga 14 gramos kantidad P140, 000.
Apil sa nahipos an nagkadaiyang drug paraphernalia ug marked money.
Mag-atubang ug kaso si alyas Alot ug Bogart kalapasan sa Republic Act 9165 (Comprehensive Dangerous Drugs Act of 2002).
📹PDEA
Facebook Conversations