Kabsan diha-diha dayon ang usa ka construction worker samtang kini galingkod sa usa ka tindahan sa San Miguel Parish, Sitio Upper Marahan, Brgy. Marilog, Marilog District, Davao City pasado alas 10 Biyernes sa gabii, September 27.
Ang biktima nailhang si Welbert Ceneza Quiño, 35 years old, residente sa Purok 3, Balutakay, Hagonoy Davao Del Sur. Gihulagway lamang ang suspek nga naka-motorsiklo ug nakasuot og black/white shirt ug itom nga short pants.
Sa imbestigasyon sa kapulisan, naglingkod lamang sulod sa usa ka tindahan ang biktima dihang kalit niabot ang suspek sa likod nga bahin ug gipusil ang biktima sa makadaghang higayon. Gani Misuway pa kini ug pagawas sa tindahan apan tungod sa samad nga iyang nahiaguman, nakabsan gihapon kini sa kinabuhi.
Nagpadayon ang imbestigasyon aron masuta ang motibo ug mailhan ang suspek.
Anaa na sa lokal nga punerarya ang lawas sa biktima.
Facebook Conversations