Construction worker, gipusil-patay sa Digos City
Construction worker, gipusil-patay sa Digos City
Patay ang construction worker human gipusil sa wala mailhing suspek sa Lapu-Lapu Extension corner Aquino Road, Barangay San Miguel, Digos City, alas 9:30 Biyernes sa gabii (Abril 28).

Giila sa Digos Police ang biktima nga si Summy Lapaz Udang, 44 anyos, ug residente sa Purok Narra, Odaca Brgy. San Miguel, Digos City.

Nasayran sa inisyal nga pagduki-duki sa mga imbestigador, nagkalalis pa kuno ang biktima ug suspek apan wa magdugay nibunlot sa iyang dalang pusil ang wa mailhing suspetsado ug gipusil ang biktima nakaingon sa iyang kamatayon.

Wala matod pay nahipos nga ebedensya ang mga otoridad gikan sa crime scene.

Padayong gitino ang motibo sa insidente lakip na ang pagpangita  sa suspetsado.

Anaa na gihaya sa lokal nga punerarya sa Digos City ang lawas ni Udang.

What's your reaction?

Facebook Conversations