Padayon ang hot pursuit sa Talomo Police Station aron madakpan ang suspetsado nga nagpusil-patay sa babayeng fruit vendor sa Central Park Road, Bangkal, Davao City ala-1:20 Biyernes sa hapon, Oktobre 11.
Ang biktima nailhang si alyas Joan, 31-anyos, minyo, ug residente sa NHA Bangkal.
Nailhan sab ang suspek kinsa giingong kaubang vendor sa biktima nga si Moraly, taga- Purok 75, NHA Bangkal, Brgy Talomo Proper, Davao City.
Basi sa nakuhang testimonya sa kapulisan gikan sa testigo, samtang galingkod ang biktima duol sa gibaligya niining lanzones ug durian, kalit niabot ang suspek sakay sa single motorcycle ug nibunlot ug armas ug way duha-duhang gipusil ang biktima igo sa liog nga maoy pagkahagba niini.
Gideklarang dead on arrival si alyas Joan sa ospital.
Nasayran nga dunay bikil matod pa ang biktima ug suspek tungod sa negosyo isip vendor.
📷Talomo PNP
Facebook Conversations