Wa nay kinabuhi nga napalgan ang usa ka bayot sulod kuwarto sa gipuy-ang balay sa Block 29 Goldland Subdivision, Bago Aplaya, Davao City alas-singko pasado Domingo sa hapon, Hulyo 14.
Giila sa kapulisan ang biktima nga si Kent Lubaton, 30-anyos ug usa ka parlorista.
Basi sa testimonya sa testigo nga silingan sa biktima, nag-inom matod pa ang biktima ug uyab niining lalaki alas-8 sa gabii Sabado, Hulyo 13. Iya matod pa namatikdan nga nigawas ang uyab niini pagkabuntag. Wa matod pay nadungog ang testigo nga dunay kisaw o nag-away ang mag-uyab samtang nag-inom.
Apan Hulyo 12, alas-10 sa buntag nadunggan sa silingan nga naglalis ang mag-uyab nga niresulta sa pisikal nga away.
Gitino pa ang hinungdan sa kamatayon sa binabayi.
Padayon pang gipangita sa kapulisan ang uyab sa biktima nga maoy posibleng katapusang kauban niini.
📷DCPO
Facebook Conversations